stuttbuxur eða síðbuxur

Ég er á leið til útlanda með mig og mína fjölskyldu. Fyrir eitt stykki útlandaferð þarf að pakka heilmiklu. Þó ekki meiru en ef haldið er í ferðir innanlands.

Ég fór í dagsferð í gær, með famelíuna. Ferðinni var heitið á ættarmót í Fljótshlíð. Fórum af stað um morguninn og komum heim um kvöldið. Mér fannst í ferðinni, að ég hefði ekki tekið með nóg af fötum. Ég klæddi krakkana í stuttbuxur innanundir buxurnar, passaði að þau væru í stuttermabolum undir síðerma peysunum. Pakkaði niður regnfötunum, húfunum, vetlingunum og stígvélunum. Það rigndi ekki en það var kalt. Það voru vonbrigði. Ég sem var að vonast til að geta rifið börnin úr síðbuxunum og leyft þeim að spígspora um sveitina á stuttbuxum og stuttermabol. Ég saknaði vetrarúlpunnar minnar og sokkabuxnanna. Samt var ég í tveimur hlýjum peysum og með ullarvetlinga. Sem betur fer, fór ég í gönguskónum mínum í staðin fyrir að fara á töflunum, eins og ég var að hugsa um að gera.

Ég er að vona að ég fái gott veður í útlöndunum. Ég ætla að sleppa því að pakka niður vetrarúlpunum, sokkabuxunum, lopavetlingunum og ullarsokkunum. Hins vegar læt ég pollafötin og stígvélin ekki vanta í töskuna. Betra að hafa varan á.

segjum það í bili.